Tuniziani Chokri Chafoud, i cili akuzohet se ka pasur lidhje me autorin e sulmit në Nice, Mohamed Lahouaiej Bouhlel thuhet se kishte rolin e ndërmjetësit mes këtij të fundit dhe klanit të shqiptarëve.
Nga hetimet e antimafias italiane në Bari, ai rezulton se është përfshirë në një rrjet shqiptar për shitjen e armëve dhe drogës me rezidencë në Puglia.
Mohamed Lahouaiej Bouhlel Chafoud, raporton “Corriere della Serra” në vitin 2015 kaloi kufirin Itali¬Francë dhe ka jetuar për disa kohë në Puglia. Shtetasi tunizian po merret në pyetje lidhur me ndikimin e tij në sulmin e ndodhur në Francë. Ai akuzohet se ka kryer rolin e ndërmjetësit me disa shqiptarë (ndoshta çifti i arrestuar) që t’i siguronin armë 30 -vjeçarit për të kryer sulmin në Nice.
Pak ditë më parë në Francë u arrestua një çift shqiptarësh me akuzën se i kishin dhënë një pistoletë autorit të sulmit. Artan Henaj, 38 -vjeç dhe Enkelejda Zaçe, 42 -vjeç, akuzohen se kanë bashkëpunuar me Mohamed Lahouaiej Bouhlel, por kjo ende nuk është e provuar.
