Ambasada e Shteteve të Bashkuara iu bën thirrje qytetarëve amerikanë në Shqipëri që të rrinë larg tubimeve më 21 korrik.
Dy ditë para ‘ditës së madhe’, 21 korrikut, afati i vendosur për miratimin e reformës në drejtësi, ambasada e SHBA-ve thekson se qytetarët amerikane duhet të mbeten vigjilente dhe për të shmangur çdo demonstrate apo tubim, që mund të ndodhë gjatë ose pas votimit. Qytetarët duhet të ndjekin mediat dhe burimet vendase të informacionit për t’u përditësuar lidhur me planet personale të udhëtimeve ose aktivitetet.
“Të gjithë vizitorët SHBA-së ose rezidentë në Shqipëri duhet të jenë të vetëdijshëm lidhur me gjendjen lokale të sigurisë. Shqetësimet specifike të sigurisë duhet t’u adresohen autoriteteve shqiptare të zbatimit të ligjit, të cilët janë përgjegjës për sigurinë e të gjithë vizitorëve në Shqipëri”, thekson Ambasada
Drafti i ndryshimeve kushtetuese dhe reforma në drejtësi është pika e parë e rendit të ditës së seancës plenare të 21 korrikut.
