Qeveria turke ka pushuar 15.200 të punësuar në arsim për shkak të lidhjes me grushtin e dyshuar ushtarak, njofton televizion turk NTV.
Ky vendim i ministrisë turke të arsimit, pasoi me spastrimin e mijëra të punësuarve në forcat e armatosura turke, polici, gjyqësor, agjencitë e zbulimit të këtij vendi, ministrinë e Financave, kabinetin e kryeministrit Binali Jildirim dhe Drejtorisë së Çështjeve Fetare, pas tentimit për puç më 15 korrik.
Në këtë tentativë grushti shteti mbetën të vdekur më shumë se 300 persona, pjesa më e madhe ushtarë. Mijëra të tjerë u plagos nga përleshjet mes forcave të ushtrisë, policisë dhe civilëve.
