Nga Përparim Peposhi
Asnjë anëtar i PD-së nuk duhet t`ia lejoj vetes që të shkoj të votoj sa për të kryer një formalitet. Duke qënë se Partia Demokratike është Parti e Lirise! Ajo duhet të jetë parti e garës së ndershme dhe e lirë, duhet të jetë parti e kuvendeve të lira e jo parti e frikës, kulisave, e skutave, jo parti e intrigave dhe presionit për vende pune apo joshje për pozicione të ndryshme hierarkike në PD.
Duhet të jemi parti ku njerëzit të ftohen të flasin lirisht jo vetëm antarët por mundësisht dhe qytetarët e thjesht, fundja e fundit PD është në shërbim të qytetarëve…
A është realizuar kjo në shumë degë të PD që po riorganizohen? Jo, përkundrazi mendoj se dhe kjo ka qënë një nga arsyet që këto degë të PD-së po shkon në zgjedhje, fatkeqësisht dhe në këto zgjedhje brenda PD-së është vënë re jo kontributi, vlera, intelekti por vetëm ambicia për të marrë një vote. Votë që do t’i ketë efektet negative pas zgjedhjeve.
Mendoj që këto degë që shkuan në zgjedhje dhe që duhet të kihet parasysh nga Kryetaret e ardhshëm është se nuk po vihet në plan të parë që anëtari të jetë i pari, ku çdo vendim i marrë të jetë debatues e konsultues. Me këtë nuk dua të them se kryetari nuk merr vendime, por kryetari i partisë për çdo vendim duhet të dëgjojë zërin e çdo anëtari kryesie apo anëtari të thjeshtë. Andaj mendoj se në strukturat e PD-së në bazë ka ende shumë për të bërëe.
Proçesi i zgjedhjeve të reja në PD të bëra para dy vjeteve duhet të ishte boshti i analizës së fushatës së zgjedhjeve të PD-së që të zgjonte ata seksione e grupseksione dhe të stimulonte tek ato fuqishëm, botën shpirtërore të demokratëve për kapërcimin e gjendjes shoqërore që karakterizohet me shkrehje forcash masive në seksionet e grupseksionet e PD.
Dhe kjo është mugesë si në shumë degë të tjera dhe në degen numër 7. Përmes debatit te lire PD-se nuk i vjen e keqja, prej mendimeve të ndryshme, madje dhe të kundërta dhe emocionale qofshin ato.
Me keqardhje vërej se mendimi ndryshe në degën tonë (pra nr. 7) ka stepur dhe ndëshkuar disa njerez së bashku me idetë e tyre. Ka patur fuqi frymëzimi i diskutimeve hipokrite duke ofruar në tribunë të pa aftët, që janë të aftë për të qënë vetëm servilë të drejtuesve, pavarësisht vlerave që kanë…. Për hirë të së vërtetës shumë intelektual demokrate që kanë patur e kanë kontribute nuk janë ofruar.
Në degën e PD së Njësisë nr. 7 nuk u arrit bashkimi njerëzve me kontribute e me vlera. Si perfundim uroj që në këto zgjedhje të mos ndodh si në zgjedhjet e kaluara. Askush nuk duhet t’ia lejoj vetes, që nderi i secilit të shkoj e të votojë për drejtuesit e partisë, për të kryer një formalitet rutinë. Kjo varet nga çdo demokrat që në zgjedhjet dhe propozimet që bën të hedh një hap cilësor në procesin e riorganizimit të strukturave të PD-së.
E rendesishme është që në strukturat drejtuese në të gjithë hierarkinë, të zgjidhen njerëz të mirë, të aftë e me ide të reja për progres. Do te jetë shumë e rëndësishme që këto njerëz që janë me shumicë në strukturat e PD-së t’u jepet drejtimi.
SUKSESE GARUESVE, FITOFTË MË I MIRI !
