“Vesi del me shpirtin” thotë një fjalë e urtë, dhe mesa duket kjo gjë vlen edhe për brazilianin Ronaldinjo, i cili nuk harron kurrë të shënojë gola dhe të dhurojë spektakël.
Edhe pse është shkëputur nga futbolli i fushave të blerta, “Dinjo” duket se nuk e ka harruar zakonin gol. Gjatë një ndeshjeje futbolli në sallat e vogla në Indi, braziliani ka mahnitur të pranishmit me performancën e tij në fushë, duke shënuar jo pak, por 5 gola, njëri më i bukur se tjetri.
Braziliani ndihmoi ekipin e tij, Goa me 5 gola në fitoren prej 7-2 kundër Scholes Bangalore, duke treguar edhe njëherë lëvizjet e tij të magjishme me top.
