“Arma e cila u tentua të fshihet dhe që e dispononte Elton Çiço natën e vrasjes së tij te Bar “De Niro” në Tiranë, i përkiste Besmir Qebinit, zëvendësdrejtorit të Përgjithshëm të Doganave”. Denoncimi publikohet nga ish-kryeministri Sali Berisha i cili i referohet “oficerit dixhital”.
Po kështu në mesazhin e Berishës flitet për lidhjet e viktimës Elton Çiço me kreun e Bashkisë Tepelenë, Tërmet Peçi dhe Besmir Qebinin.
Sipas të njëjtit denoncim, mësohet se Ardian Çipa, zëvendësdrejtori i Përgjithshëm i Policisë së Shtetit i fsheh provat me urdhër të ministrit Saimir Tahiri.
STATUSI I BERISHËS
Oficeri dixhital informon:
-Arma që fshehu polici në vendngjarje në lokalin ku u vra Elton Çiço, nga ekspertiza rezulton se është e Besmir Qebinit.
– Saje qorri po fsheh të dhënat e ekspertizës tek Ardian Çipa nga prokuroria! sb
“Përshëndetje doktor. Arma që fshehu polici në vend ngjarje ku u vra Elton Çico nga ekspertiza rezulton e se është arma e Besmir Çibinit ushtarit të Shullazit, ish-nëndrejtorit të policisë për Tiranën aktualisht zëvendësdrejtor i doganave të Shqipërisë! Këto të dhëna i janë dërguar Ardian Çipës i cili me urdhër të ministrit nuk i dorëzon në prokurori. Po shtoj Elton Çiça, ka në pronësi të tijën lokal bar XXL përballë “Gjuhëve të Huaja” në emër të e vëllait të tij Antonel Çiça ky i fundit në burg Angli për trafik droge. Eltoni ka qenë 4 vjet i dënuar në Francë dhe 2 vjetër në Greqi për trafik droge dhe ka një çështje në gjykim në Itali për “Associazione Delinquera”.
Është djali i tezes se Tërmet Peçit –Kr. Bash Tepelenë. Eltoni është shoku me i ngushtë i Besmir Qibinit. Islam Qibini i ati i Besmirit është djalë teze me Edmond Targaj. Eltoni është një prej kokave që drejtonin çunat e Tepelenas që janë dërguar prej tij dhe marrë nga Edmond Targaj në Dibër”
