Ish-gjenerali amerikan Wesley Clark, i ftuar në televizionin ndërkombëtar të CNN-it, ka treguar se ku kanë dështuar organizatorët e grusht shtetit. Clark ka thënë se një nga gabimet e tyre ishte mos arrestimi fillestar i presidentit turk, Recep Tayip Erdogan.
“Liderët e puçit bënë shumë gabime – mos arrestimi i Erdogan dhe bllokimi i tërësishëm i internetit ishin disa nga gabimet”, tha ai për CNN.
Generali Clark tha se tashmë puçistët do ta kenë shumë të vështirë, “pasi shumë njerëz kanë dëgjuar thirrjen e Erdogan për të protestuar në rrugë”. Ai këto analiza i bëri në cilësinë e ekspertit të sigurisë dhe si ish-gjeneral i NATO-s.
