Situata në Turqi është drejt normalizimit. CNN turk njoftoi se grushti i shtetit dështoi dhe se shihet një zmbrapsje e ushtarëve që janë pjesë e grupit që organizuan grushtin e shtetit.
Shumë njerëz kanë dalë në rrugë, ndërsa në rrjete sociale janë parë civilë që arrestojnë ushtarë, por edhe forca policore të cilët kanë shoqëruar disa ushtarë.
Edhe zëdhënësi i Agjencisë Kombëtare të Inteligjencës deklaroi se tentativat për grusht shteti kanë dështuar dhe se personat që e kanë organizuar po zmbrapsen.
Megjithatë, “Reuters” njoftoi se një shpërthim është dëgjuar në Stamboll, ndërsa Parlamenti në Ankara është goditur nga disa bomba.
