Kryeministri francez Manuel Valls ka shpallur tre ditë zie kombëtare. Më 16, 17 dhe 18 korrik flamujt francezë do të ulen në gjysmë shtizë.
“Ne do t’i bëjmë ballë luftës që terrorizmi po na e imponon”, ka thënë Manuel Valls, njofton Le Figaro.
“Ne do ta zhvillojmë këtë luftë në bllok. E kemi pritur unitetin e kombit. Përgjigja e vetme duhet të jetë ajo e Francës së bashkuar”, ka thënë kryeministri francez.
Mbi 80 persona, mes tyre edhe fëmijë humbën jetën në Nicë kur një kamion u fut mes turmës që festonte festën e Bastiljes. Mbi 100 janë të plagosurit.
