Një aksident automobilistik ku janë përfshirë 4 automjete ka ndodhur në kryeqytet. Aksidenti ka ndodhur rreth orës 03:30 minuta të mëngjesit në rrugën “Beqir Luga”.
Automjeti me targë TR 1592 J, ka humbur drejtimin e mjetit duke “fluturuar” në trotuar, ndërsa është përplasur edhe me 3 automjete të tjera të parkuara me targa AA 831 FP, TR 3574 K, AA 393 JZ.
Si pasojë e këtij aksidenti kanë mbetur të plagosur drejtuesi i automjetit të aksidentuar dhe 2 pasagjerë që po udhëtonin me të. Të plagosurit u dërguan në QSUT ku ndodhen jashtë rrezikut për jetën.
Policia shkoi në vendngjarje dhe po punon për të zbardhur shkaqet e aksidentit, shkruan TCH.
