Terroristi 31-vjeçar sulmoi trumën me kamionin e tij. Ai u qëllua për vdekje nga Policia franceze, ndërsa ende po vazhdon identifikimi i shoferit të kamionit, i cili sipas dëshmitarëve bërtiste “Allahu Akbar” – Zoti është më i madhi – para se të vritej.
Një sasi e madhe e armëve, granata dhe armë ‘të mëdha’ u gjetën më pas në brendësi të kamionit.
Grupet pro-ISIS kanë festuar sulmin që ndodhi në festën më të rëndësishme kombëtare të Francës, por ende grupi terrorist nuk ka marrë zyrtarisht përgjegjësinë.
Duke iu drejtuar kombit, Presidenti francez, Francois Hollande tha se disa fëmijë ishin në mesin e të vdekurve.
Ai shtoi se ishte e “pamohueshme”, që masakra ishte një sulm terrorist.
Të paktën 80 persona janë vrarë dhe më shumë se 50 janë plagosur nga sulmi terrorist në Francë me rastin e festimeve të Ditës Bastille.
