Reali i Madridit ka prezantuar fanellat e reja për sezonin e ardhshëm 2016-2017. Ato janë dizenjuar nga sponsori Adidas.
Fanella kryesore, me të cilën madrilenët do të luajnë si vendas, nuk ka shumë ndryshime nga tradicionalja. Ajo mbetet e bardhë, por ndryshe nga sezoni i kaluar, vjen në një stil pak më retro të viteve 1980, me një jakë të ‘modës së vjetër’ që vjen në formën e shkronjës V. Pjesa anësore dhe fundi i krahëve të bluzes është shoqëruar nga shirita blu, karakteristike e Adidas.
Nga ana tjetër uniforma me të cilën galaktikët do të luajnë ndeshjet në tranfertë do të jetë ngjyrë rozë me vija të bardhë dhe me një jakë tradicionale. Ngjyra rozë e ka shoqëruar skuadrën e Real Madridit për shumë sezone me rradhë ku dhe kanë arritur të fitojnë shumë trofe.
Uniforma e re është prezantuar në faqen kryesorë të skuadrës nga Cristiano Ronaldo, Karim Benzema, Marcelo Vieira dhe James Rodríguez.
