Pas fjalimit të ashpër dhe replikave që pati në Parlament me Shpëtim Idrizin, deputeti socialist Ben Blushi u largua pa përfunduar seanca.
Është parë jo pak herë me ministrin e Brendshëm, pavarësisht të gjitha akuzave dhe kritikave që ka ndaj qeverisjes. Edhe sot, Blushi është fotografuar sërish me Saimir Tahirin, këtë herë duke drekuar në një restorant.
Nuk dihet se çfarë kanë biseduar të dy, por vlen të theksohet se Blushi është parë gjithmonë afër Tahirit edhe në ditët kur deputeti socialist sulmonte ashpër Kryeministrin Edi Rama dhe Qeverinë.
