Vdes bosi italian i Cosa Nostra-s, Bernardo Provenzano

Kapoja i Cosa Nostra-s, Bernardo Provenzano nuk jeton më. 83-vjeçari, i sëmurë prej kohësh dhe i njohur si bosi i mafias italiane u arrestua pas arratisë 43-vjeçare më 11 prillin e vitit 2006, në një fermë të Korleoneve, pak metra nga shtëpia ku banonte familja e tij.

Të gjitha proceset gjyqësore të bosit të mafies, i cili prej kohësh ishte i shtrurar në spitalin “San Paolo” të Milanos, u ndërprenë për shkak të gjendjes shëndetësore të Provenzanos, i cili nuk mund të merrte pjesë gjatë seancave.

Shumë njerëz dyshuan tek raportet e mjekëve që thoshin se ai vuante një dëmtim i rëndë i kujtesës dhe fjalët që nxirrte nga goja ishin të pakuptueshme.

Pas arrestimit të Toto Rinës, babai i padiskutueshëm i Cosa Nostras u bë ai, fantazma e Corleones, gjakatari i Siçilisë. Don Bernardo Traktori Pronvenzano. E quanin traktori se sipas gojëdhënave i merrte rivalet përpara me armën e tij si një traktor.

Historia e tij 43- vjeçare si i arratisur, e shndërroi këtë mafioz në një njeri të zgjuar në sytë e të tjerëve.

Ai ishte në gjendje të drejtonte perandorinë e mafias me ndihmën e “pizzinit”, shënime të shkruara me shkronja të vogla që dorëzoheshin dorë më dorë nga ndihmësit e tij.
Katoliku Provenzano kishte me vete pesë Bibla në momentin e arrestimit; një prej tyre ishte e shkruar me shënime të fshehta, që besohet se ishin kode për disa nga sekretet më të vjetra dhe më të errëta të mafias që ai ka udhëhequr.

 

PËRGJIGJU

Please enter your comment!
Please enter your name here