Partia Socialiste do të festojë 25 -vjetorin e krijimit të saj ditën e sotme. Vendi ku është menduar të zhvillohet ceremonia do të jetë në lulishten pas selisë së PS¬- së, në orën 19:00, dhe pritet që të ftuarit të jenë rreth 2 mijë persona.
Ftesa i ka shkuar edhe kryetarit të parë të kësaj partie, Fatos Nanos, por nuk ka një konfirmim nëse ai do të jetë prezent sot në këtë festë.
Ftesat i kanë shkuar dhe aleatit të koalicionit, Ilir Metës, dhe partive të tjera parlamentare, përfshirë këtu dhe Partinë Demokratike. Edhe trupi diplomatik, i cili e respekton protokollin, pritet të jetë prezent, por dhe drejtues të institucioneve të pavarura dhe përfaqësues të mediave.
Burime pranë organizatorëve të kësaj feste thanë dje për gazetën “Panorama” se do të jetë kryetari i Partisë Socialiste, Edi Rama, që do të përshëndesë të gjithë socialistët në këtë jubile të 25 -të të tyre.
Më pas do të ketë një dokumentar disaminutësh, ku do të tregohet përmes pamjeve filmike historia 25¬vjeçare e kësaj partie që nga 12 qershori i 1991¬shit, kur kongresi i saj zgjodhi Fatos Nanon kryetar e deri në ditët e sotme, kur socialistët qeverisin vendin.
Nuk do të mungojnë në këtë dokumentar momentet më pikante të përballjes së tyre me pushtetin e Partisë Demokratike, kur Sali Berisha ka qenë një herë President e më pas Kryeministër.
Festa do të jetë e organizuar në formën e një kokteji dhe do të ketë të ftuar anëtarët e Kryesisë, Sekretariatit, Asamblesë, deputetë të PSsë dhe kryetarët e bashkive të mëdha në këto 25 vite.
Një vit më parë, në 24¬vjetorin e PS¬së, Edi Rama kërkoi nga Nano që t’u bashkohet festimeve të 25-vjetorit të saj dhe të gjejë në të fjalët e duhura për t’iu drejtuar socialistëve.
Socialistët e shtynë me një muaj festën e 25¬të të themelimit të tyre për shkak të Kampionatit Europian dhe festimeve që vazhdonin në të gjitha degët lokale të saj.
Vitin e kaluar në 24 vjetorin e Partisë Socialiste:
