Luiza Gega , nënkampionia e Europës në 3000 metra me pengesa është kthyer në orët e vona të së hënës në aeroportin e Rinasit. Ajo u vlerësua për paraqitje shumë të mirë në evropianin e zhvilluar në Holandë por u prit në aeroportin e Rinasit me “një marifet”.
Federata Shqiptare e Atletikës kishte organizuar një pritje ku kishin dalë dhe një numër i vogël qytetarësh të organizuar nëpërmjet rrjeteve sociale.
Sigurisht që në aeroporti ishte edhe një numër kamerash televizive ndërsa nuk mungonin edhe zyrtarët e Federatës Shqiptare të Atletikës. Kreu i kësaj federate Gjergj Ruli dyshohet se para kamerave për të treguar interesimin e tij për atleten ka bërë një dredhi.
Sipas një fotoje të publikuar në internet nga faqja “Qyterarët për parkun” atletja medaliste është hipur në një limuzinë të bardhë në aeroport ku ndodheshin kamerat dhe tifozët, por është zbritur 500 metra më tej. “Si e shfrytëzon për shoë Presidenti i Federatës se Atletikes Gjergj Ruli figurën e sportistes kampione duke e hipur ne limuzine para kamerave dhe duke e zbritur prapë 500 metra me tutje. As rrugën deri në shtëpi nuk i paguajnë”- shkruan “Qytetarët për parkun”. Kujtojmë se në zbatim të planit të ndërtimit të stadiumit “Arena Kombëtare”, bashkë me Stadiumin Qemal Stafa u prish edhe e vetmen pistë atletike që qytetit, duke e detyruar Luiza Gegën të stërvitej nga kodrat e liqenit.
