Një vajzë 15-vjeçare shfrytëzohej nga dy të rinj nga Tirana për ushtrim prostitucioni. Ditën e sotme, policia e Tiranës arrestoi Enea Sinani, 28 vjeç, banues në Tiranë, edhe Elton Drapi, 29 vjeç, banues po në Tiranë pasi ishin shpallur në kërkim, për trafikim të miturish dhe shfrytëzimin e tyre për
prostitucion.
Arrestimi i këtyre shtetasve u bë në funksion të procedimit penal të vitit 2014 për veprën penale “Trafikim i të miturve”, parashikuar nga neni 128/b/3.
Shtetasit e arrestuar kanë qenë nën hetim prej disa kohësh nga Seksioni i Trafiqeve të Paligjshme dhe dyshohet se në bashkëpunim me njëritjetrin dhe një person tjetër S.K, 25 vjeç, kanë trafikuar dhe shfrytëzuar me qëllime përfitimi (prostitucion ), një vajzë 15-vjeçare me iniciale M.L në juridiksionin e Tiranës dhe Elbasanit. Për bashkëpunëtorin tjetër po zhvillohen kërkime.
