Gjykata e Krimeve të Rënda ka refuzuar kërkesën e Emiljano Shullazit, i cili kërkon revokimin e masës së sigurisë arrest me burg, pra të lirohet.
Shullazi akuzohet për grup të strukturuar kriminal, gjobëvënie dhe kërcënimin e dy akademikëve Mynyr Koni dhe Dhori Kule. Prokuroria e Krimeve të Rënda dorëzoi në Gjykatë prova të tjera hetimore që tregojnë përfshirjen e Emiljano Shullazit në veprimtari kriminale.
Avokati mbrojtës i të akuzuarit thotë se Shullazi po mbahet në qeli pa prova, por vetëm me thashetheme mediatike. Emiljano Shullazi, shoku i tij Gilmando Dani dhe kushëriri Blerim Shullazi, që të tre janë arrestuar në muajin maj të këtij viti dhe nuk kanë pranuar akuzat e ngritura ndaj tyre.
