Dy policë me gradë inspektor në Komisariatin e Pukës janë arrestuar nga policia, ditën e sotme, pasi akuzohen për shpërdorim detyre dhe kultivim bimësh
narkotike.
Sipas njoftimit të policisë të arrestuarit janë Bib Kol Luka, 48 vjeç dhe Gjergj Mark Dodani, 51 vjeç.
Nga hetimet disa mujore të kryera ka rezultuar se në njësitë administrative LufQerret dhe në Qelëz, kishte zona të mbjella me bimë narkotike, të cilat u shkatërruan në një aksion të policisë gjatë këtyre ditëve.
Dy punonjësit e policisë të arrestuar kishin relatuar të dhëna të rreme, ndërkohë që në aksionin e Policisë u asgjësuan mbi 21 mijë rrënjë bimësh kanabis sativa.
Në bazë të materialeve procedurale të dërguara nga SHÇBA, Prokuroria e Rrethit Gjyqësor Pukë, ka regjistruar procedimet penale në ngarkim të dy punonjësve të policisë Bib Luka, dhe Gjergj Dodani, për veprat penale të “Shpërdorimit të detyrës” dhe “Kultivimit të bimëve narkotike”, parashikuar nga nenet 248 dhe 284 të Kodit Penal.
