Një organizatë kriminale e përbërë nga shqiptarë është shkatërruar nga policia greke në rajonin e Atikës në Athinë.
Organizata përbëhej nga 6 anëtarë, 5 shqiptarë të moshës nga 25-53 vjeç dhe një shtetas grek 41 vjeç.
Grupi kriminal trafikonte sasi të mëdha të drogërave të ndryshme. Gjatë kontrollit në banesat dhe lokalet e zotëruara prej tyre, autoritetet greke sekuestruan 1.5 kg kokainë, 2 kg kanabis të papërpunuar, përzierjës, 24.530 Euro, katër pershore elektronike, 62 fishekë, dy makina dhe dy motora.
Ata akuzohen për grup të strukturuar kriminal, pjesëmarrje në organizatë kriminale dhe trafik droge. Mediat greke nuk kanë bërë të ditur identitetin e shqiptarëve të arrestuar.
