Të paktën 272 persona kanë vdekur në luftimet mes fraksioneve rivale të Sudanit të Jugut në kryeqytetin Juba, duke përfshirë 33 civilë, pasi të shtënat dhe ekspolozivët shpërthyen sërish në pjesë të qytetit.
Luftimet shpërthyen të enjten dhe të premten midis trupave besnike të presidentit Salva Kiir dhe ushtarëve të cilët mbështesin nënkryetarin Riek Machar.
Dhuna ka ngritur frikën se Sudani i Jugut mund të përballet me më shumë paqëndrueshmëri pas daljes nga lufta dy-vjeçare civile, e cila filloi në dhjetor 2013.
Të shtunën Juba ka qenë e qetë, por të dielën breshëri të shtënash u përhapën në periferi të Jubas, pranë kazermave ushtarake ku qëndrojnë trupat besnike të Machar.
