Pak ditë pasi pronari i picerive “Era” në kryeqytet denoncoi dhunën e policisë mbi të dhe djalin e tij, ka ardhur edhe hakmarrja. Forcat e policisë janë gjendur sot në ambientet pas picerisë për të hequr depozitat, gjeneratorin dhe mjete të tjera pune të lokalit. Me gjithë kundërshtitë e pronarit, policia i ka hequr ato çfarë ka dashur me justifikimin se janë ankuar banorët e zonës, të cilët kanë protestuar.
“Duan të heqin gjeneratorin, depozitat, bombolat e gazit. Kam leje për të gjitha, kam paguar taksa. Nëse i heqin, na bllokohet puna”, ka thënë vetë Bamllari, por pavarësisht kësaj, policia ka vijuar bastisjen.
