Është ekstraduar sot nga Athina 49 vjeçari Leonard MUÇAj (Roland MUCAJ), mbi të cilin ka një vendim gjykate për trafikim të miturish.
Shtetasi Leonard MUCAJ, ishte i shpallur në kërkim ndërkombëtar pasi Gjykata Shkallës së Parë për Krimet e Rënda Tiranë, me shkurtim vendimi Nr.96 datë 02.03.2015, ka caktuar ndaj tij masën e sigurisë “Arrest në burg”, për kryerjen e veprës penale “Trafikim i të miturve”, parashikuar nga neni 128/b/3 i Kodit Penal.
Ngjarja
Shtetasi Leonard MUCAJ, në bashkëpunim me shtetas të tjerë, gjatë periudhës Dhjetor 2014 – Janar 2015, ka trafikuar në Greqi, një shtetase të mitur, të cilën më pas e ka shfrytëzuar për prostitucion. Si rezultat i bashkëpunimit të Interpol Tirana me Interpol Athina, u bë i mundur arrestimi i tij në Greqi, duke u finalizuar me ekstradimin drejt vendit tonë.
