Pesë policë kanë humbur jetën në Dallas pasi janë qëlluar për vdekje nga një snajper.
Protestat në Dallas u nxitën për shkak të vrasjeve së Philando Castile në Minesota dhe Sterling Alton në Luiziana.
Sipas RT, gjashtë policë të tjerë janë plagosur, dy nga të cilët janë në gjendje kritike.
Pas demonstratës kundër dhunës policore zhvilluar në Teksas, janë qëlluar shumë forca policore. Siç raportojnë një sërë mediash amerikane dhe shefi i policisë së Dallasit, David Brown, deri tani janë vrarë katër policë, ndërsa sëpaku 11 të tjerë janë plagosur. Sipas medias KABC protestat filluan në Belo Garden Park në Dallas, ku është publikuar një video, në të cilën shikohen policët që kërkojnë ndihmë. Ndërkohë dy persona janë arrestuar.
Marshi protestues filloi paqësisht, pas publikimit të videos së vrasjes nga policia amerikane të Philando Castile dhe Alton Sterling, të dy afro-amerikanë, informon botasot.info.
Philando Castile, 32, vdiq në spital, pas gjuajtjes më armë të një polici që deshte ta kontrollonte për dokumentacionin e veturës. E dashura e tij filmoi gjithë rastin duke e publikuar në Facebook.
Alton Sterling, 37, vdiq rreth 48 orë më parë në Louisiana: Dy policë e kishin shtrirë në tokë dhe më pas e kishin qëlluar.
Në gjithë SHBA-në protestohet për ndaljen e dhunës policore, e në veçanti kundrejt afro-amerikanëve. Autoritetet kanë thirrur për qetësi.
