Përveç këngës Rovena Dilo provon edhe aktrimin. Ajo ka zbuluar edhe serialin e ri ku do të marrë pjesë si aktore. “Ti mund të më quash Xhon” është titulli i serialit të ri shqiptar, në të cilin do të luajë edhe këngëtarja.
Siҫ shkruan revista Who, seriali po realizohet nga studio e prodhimit “Papadhimitri Production” dhe në të do të luajnë shumë emra të njohur të kinemasë dhe ekranit shqiptar, si Nevina Shtylla (prezantuese e “Next” në Vizion Plus), Arbies Konomi, Eva Murati (prezantuesja e “Miss Universe Albania”), Bonald Perkola, Gent Kame, Ermira Gjata etj.
Kështu, ndër emrat e njohur dhe të rinj të serialit, pjesë e kastit do të jetë edhe Rovena Dilo. Lajmin e këtij projekti të ri, ajo e ka publikuar në Instagramin e saj duke prezantuar në krah edhe bashkëshortin e saj në film, aktori Genti Kame.
