Arben Frroku refuzon ekstradimin nga Holanda në Shqipëri. Mediat holandeze shkruajnë se i arrestuar më 9 maj në Holandë, Frroku nuk do të ekstradohet në vendin e tij ku është dënuar me burg të përjetshëm për vrasjen e kryekomisar Dritan Lamaj.
Gazeta holandeze “Telegraf” shkruan se Frroku, i akuzuar për vrasjen e kryekomisar Dritan Lamaj zgjodhi të arratisej në Holandë për t’i shpëtuar drejtësisë shqiptare.
Tentativa e tij, sipas Telegraf është një praktikë e njohur e kriminelëve shqiptarë, britanikë dhe italianë, të cilët zgjedhin të jetojnë në Holandë, nën anonimat, por duke drejtuar aktet kriminale prej aty. “Frroku, një anëtar i shquar i Partisë Kristiandemokrate në Shqipëri, është i lidhur me krimet”, shkruan Telegraf.
