Kryedemokrati, Lulzim Basha është duke zhvilluar një vizitë në Athinë ku në fokus të takimeve të tij me shefin e opizitës në Athinë dhe aktorëve të tjerë polikë grek janë problemet e emigrantëve tanë në Greqi.
Në vëmendje do të jenë edhe çështja çame dhe ajo e pronave.
Në këtë kuadër, kryedemokrati ka zhvilluar fillimisht një takim me anëtarë dhe simpatizantë të kësaj force politike që jetojnë e punojnë në Greqi, raporton 360gradë.al.
Basha theksoi rëndësinë që kanë emigrantët në forcimin e marrëdhënieve dypalëshe mes Shqipërisë dhe Greqisë. Kreu demokrat u kërkoi emigrantëve të jenë gati për zgjedhjet parlamentare, kurdo ato do të zhvillohen.
Ai kërkoi që sa më shumë shqiptarë të vijnë në Shqipëri për të votuar, pasi votat e emigracionit kanë një rëndësi të veçantë në fitoren e Partisë Demokratike në zgjedhjet e ardhshme.