Një mbikqyrës gjerman ushqimi ka bërë thirrje për ndalim të konsumit të çokollatës Kinder, si dhe ushqimeve të tjera, sepse pas testeve ka gjetur se ato përmbajnë nivele të rrezikshme substancash kancerogjene.
Foodwatch tha se MOAHs, e cila krijohet, kur rafinohet vaji, është gjetur në produktet Kinder.
Vëzhguesi testoi 20 produkte të ndryshme dhe gjeti se tre përmbajnë nivele të rrezikshme të përbërësit.
Foodwatch ka kërkuar që çokollatat Kinder të tërhiqen nga dyqanet.
Autoriteti Evropian për Sigurinë e Ushqimit e përshkruan MOAHs si substancë “të mundshme kancerogjene dhe mutagjene”.
“Ne nuk rekomandojmë blerjen e këtyre produkteve për shkak se nivelet janë thjesht të papranueshme për konsum”, thotë Foodwatch.
Por Shoqata e Agjencive gjermane të Ëmbëlsirave javën e kaluar lëshoi një deklaratë ku thuhej se nivelet e MOAHs që Foodwatch gjeti mund “të konsumohen pa shqetësim”.
Burimi: The Independent
ALARMI: Çokollatat kinder përmbajnë nivele të rrezikshme substancash kancerogjene
Lajme të lidhura
TË GJITHA
