Përfaqësues të UEFA-s kanë inspektuar sot stadiumin e ri ‘Loro Boriçi’ në Shkodër i cili ka qenë në proces rikonstruktimi. Stadiumi është drejt përfundimit dhe përfaqësuesit janë shprehur se ndeshja e parë në “Loro Boriçi” mund të luhet në muajin gusht.
Përfaqësuesit e UEFA-s kanë vlerësuar punimet dhe kushtet e impiantit të ri sportive.
Anëtari i komitetit ekzekutiv në FSHF, Arben Dervishi shprehet se një prej kërkesave të lëna pas inspektimit të dytë është çështja e parkimeve që mbetet e pazgjidhur sepse ende nuk ka një vend të mjaftueshëm dhe të përshtatshëm.
Në stadiumin e ri të Shkodrës që u rikonstruktua janë bërë lidhjet elektrike dhe elektronike ndërsa ka mbetur vendosja e tabelës elektronike si dhe arredimi i mjediseve të brendshme.
