Një denoncim është bërë kundër një shqiptari me iniciale A.B. të premten që kaloi, pasi pas orës 20:00, i armatosur me një drapër dhe çekiç ka sulmuar një person në trotuarin e gjykatës së rrethit përgjatë rrugës shtetërore Adriatica 16, shkruajnë mediat italiane.
Karabinierët që po hetojnë rastin e kanë përcjellë rastin si kërcënim të rënda, prani armësh dhe objekte të tjera sulmi.
Nuk dihet se çfarë e shkaktoi grindjen e dhunshme ndërmjet shqiptarit dhe rivalit të tij M.D.P. Si njeri, si tjetri janë plagosur në përleshje, por pa probleme serioze.
Arsyet nuk dihen ende, por sigurisht urrejtja duhet të ketë qënë shumë e fortë për ta shtyrë A.B. që të dalë nga makina me një drapër dhe me një çekiç .
Shqiptari ishte në një bar pranë vendin të ngjarjes, kur vuri re praninë e M.D.P. dhe u kthye në makinë për të marrë veglat e punës.
Ai shkoi drejt personit dhe e goditi me drapër duke i shkaktuar ca prerje të vogla. Pastaj, erdhi një grusht në fytyrë dhe një rrëzim.
Nuk dihet se cili do të ishe fundi i kësaj situate të frikshme, nëse nuk do të ndërhynin karabinerët për ta ndaluar. Si me një “deux ex machina”, me përvojë dhe vendosmëri, ata e çarmatosën shqiptarin.
M.D.P. u mjekua në Bernabeo di Ortona, ndërsa A.B. në spitalin e Chieti për grushtin që mori, por ndaj tij është në fuqi, denoncimi./
