Mbrojtësi i Kombëtares shqiptare, Elseid Hysaj, është futur në garë për ta fituar çmimin si futbollisti më i mirë i ri në “Euro 2016”.
Lajmi është zyrtarizuar nga UEFA, ndërsa Hysaj për këtë çmim do të jetë në garë me Joshua Kimmichin (Gjermani), Alessandro Schoepfin (Austri), Eric Dierin (Angli), Ondrej Dudan (Sllovaki), Renato Sanchesin (Portugali) dhe Arkadiusz Milikin (Polonia).
Lojtari më i mirë do të vendoset në përfundim të Kampionatit Europian nga shefi teknik i UEFA-s, Ioan Lupescu, së bashku me Sir Alex Fergusonin dhe Alain Giressen.
Kjo treshe do të jetë ajo që do të vendosë për lojtarin më të mirë të ri të eventit të 15-të.
