41 viktima dhe 239 të plagosur është bilanci tragjik i sulmeve në aeroportin e Turqisë “Mustafa Qemal- Ataturk”. Dyshimet mbi autorësinë e tyre bien mbi Ilhami Balin, i njohur ndryshe edhe si Abu Bekir.
I shpalluri në kërkim mendohet të jetë truri i sulmeve të së martës mbrëma, ndërsa është një drejtues i lartë i Shtetit Islamik (ISIS) në Turqi. Ai mendohet të ketë gisht edhe në sulme të tjera, ndërsa akuzohet për trafik armësh drejt Sirisë. Turqia ka ofruar si shpërblim 1.4 milionë dollarë për këdo që jep informacion mbi të dyshuarin Abu Bekir dhe plane të mundshme sulmi prej tij.
