Gerard Butler e ka marrë më shtruar që kur është kthyer nga turneu promovues i “Gods of Egypt” dhe “London Has Fallen”. Ndoshta pas një rënie të tillë fatale në karrierë, aktori është duke shqyrtuar lidhjen e tij me të dashurën Morgan Brown…dhe ndoshta këtë rikuperim janë duke e bërë në Malibu!
Të dy kishin kaluar një kohë fantastike në Hawai gjatë fundjavës, duke shprehur haptazi dashuri për njëri-tjetrin dhe duke u shfaqur publikisht në plazh. “Duke shetitur dorë për dore pranë valëve të oqeanit, është kapur çifti në fjalë” – pohon Daily Mail. Dhe shihet qartë se këta të dy janë shumë vital me forma të mira trupore ku vërehet përkushtimi i tyre në palestër nga veshjet në bikini dhe rroba plazhi. Dizajnuesja për enterier, 39 vjeçarja Morgan, është parë me bikini ngjyrë të verdhë, ku i dalin në pah muskujt dhe format e përsosura trupore.
Edhe pasi janë kthyer nga pushimi, çifti është parë sërish së bashku, duke u takuar gjatë pushimeve në punë për drekë. Aktori skocez, në mënyrë të veçantë i ka ksuhtuar vëmendje të veçantë asaj, duke bërë çmos për ta takuar gjatë kohës kur ajo kishtë pushim në orarin e punës.
Në fakt, Gerard dhe Morgan njihen si një çift normal i lumtur që kalojnë kohë me njëri-tjetrin. Në vend se të kapen nga paparacët nëpër klube të natës, ata kanë më shumë gjasa që të shihen duke bërë shoping së bashku, duke drekuar në ndonjë restorant apo duke udhëtuar diku nëpër pushime së bashku.
Fakti se ai është njohur si një ‘playboy’ në Hollywood, nënkupton se ndryshimi i tillë në sjelljen e tij do të thotë se ai e ndjen vërtetë që e dashura e tij është shumë speciale. Por, ai nuk është ndjerë kështu gjatë kohës në lidhje me Morgan. Kur ishte në turneun promovues të “Gods of Egypt”, kanë qarkulluar zëra se ai kishte flirtim me Rita Orën. Thashethemet tregonin se ai kishte kaluar natën me të në një hotel 4 yjesh holivudian, ku edhe aktori dhe pop star-ja e famshme kishin shijuar një darkë romantike së bashku, në West HollyWood, pohon Daily Mail.
gerard-butler-dashura
Pasi është kthyer në Malibu, Gerard ka treguar përkushtimin e tij të pamohueshëm ndaj Morgan. Duket se dështimi i dy filmave të tij dhe mërzitja se po kalon në mes të viteve të dyzeta, do të thotë se ai është duke rishqyrtuar mënyrën se si t’i afrohet marrëdhënies së tij romantike.
Gerard Butler dhe e dashura e tij Morgan Brown vazhdojnë të vërtetojnë se janë një çift që i gëzohen njëri-tjetrit. Ata janë parë duke qëndruar pranë dorë për dore në një shetitje romantike në plazh. Nëse ata vazhdojnë të tregojnë dashuri të tillë për njëri-tjetrin, një martesë e mundshme është e pashmangshme për çiftin holivudian.
