Një fëmijë vetëm 4 vjec është infektuar me HIV/AIDS brenda ambienteve të spitalit infektiv të fëmijëve në QSUT, por përvecse nuk mban askush përgjegjësi, drama shtohet edhe më shumë pasi mungojnë ilacet.
Nëna e vogëlushit që sot është 7 vjec është paraqitur pranë emisionit “Stop” dhe ka rrëfyer gjithë kalvarin e saj.
Ajo thotë se prej 6 muajsh mungon ilaci nevirapinë, pa të cilin i biri nuk mund të jetojë.
Fëmija sipas nënës e ka marrë sëmundjen e rëndë në spital kur është shtruar për ftomë. Ajo thotë se askush në familje nuk është pozitiv, por në kartelën e fëmijës është shkruar, se ai ka bërë ndërhyrje, edhe pse nëna dëshmon, se i biri nuk i është nënshtruar kurrë asnjë operacioni.
Këtë e konfirmon edhe mjekja e fëmijës. Por tani 7-vjecari dhe familja e tij përballen me mungesën e ilacit, që vetëm me ndërhyrjen e emisionit “Stop” i është dhënë fëmijës. Ndiqni videon!
