Gjykata shprehet pretendim luksi për arsye se fëmija i mitur i datëlindjes 28.09. 2012 pra është një fëmijë tepër i mitur ska plotësuar akoma moshën 3-vjeçare, i cili në këtë moshë tepër delikate të tij ka nevojë për shërbim dhe kujdesje të nënës. Pra është një fëmijë e shprehur “shqip”, ka nevojë ti rrish me legenin nga mrapa”. Ky ka qenë vendimi i gjykatës së Beratit në lidhje me një çështje divorci.
Mënyra se si përdoret gjuha shqipe në përpilimin e vendimeve përbën një skandal për gjykatat tona.
Rasti në fjalë është konstatuar nga gazetarja e aktualitetit në TCH, Anila Hoxha. Ajo ka publikuar këtë vendim, dhënë nga Gjykata e Shkallës së Parë Berat.
Gjykata ka trajtuar një çështje familjare, padi për zgjidhje martese. Duke argumentuar shkaqet se pse fëmija nuk mund ti lihet palës paditëse në proces shkruan:
“Gjykata këtë pretendim të bërë nga pala paditëse e konsideron një pretendim luksi nga ana e tij. Paditësi kërkon që ta marrë çdo javë këtë fëmijë për çdo ditë të premte nga ora 15:00 deri të djelën 10:00 pra ta mbajë pranë banesës së vet dy ditë në javë. Gjykata shprehet pretendim luksi për arsye se fëmija i mitur i datëlindjes 28.09. 2012 pra është një fëmijë tepër i mitur ska plotësuar akoma moshën 3-vjeçare, i cili në këtë moshë tepër delikate të tij ka nevojë për shërbim dhe kujdesje të nënës. Pra është një fëmijë e shprehur “shqip”, ka nevojë ti rrish me legenin nga mrapa”.
