Pas diskutimeve të ashpra në mbledhjen e Parlamentit Europian gjatë ditës së djeshme, krerët e 27 vendeve kanë vendosur t’i japin një pushim Britanisë së Madhe duke i dhënë kohën e nevojshme për t’u qartësuar mbi nisjen e procedurave.
Megjithatë në mbrëmje ata kanë paralajmëruar se koha është e shkurtër dhe divorci me BE-në do fillojë shpejt.
Krerët e shteteve dhe qeverive të Unionit pranojnë se pak kohë është e nevojshme që qetësia të rikthehet, deklaroi Presidenti i Këshillit Evropian Donald Tusk për median në përfundim të një darke që i dedikohej Brexit.
Jean Claude Juncker nga ana tjetër ka thënë se e kupton se “David Cameron ka nevojë për kohë por insiston që Londra të fillojë sa më shpjet të jetë e mundur procedurën për ndarjen e saj”.
Kryeministri konservator britanik nuk është tërhequr aspak në këtë pikë që ia ka besuar pasardhësit të tij, përfundoi Juncker.
