Frika bllokon iniciativën dhe vret kreativitetin. Shpesh na ndodh të ndihemi viktima të një bllokimi për shkak të rrethanave të jashtme, ndjejmë ankth dhe sikur nuk jemi në gjendje për të shpëtuar nga një situatë që tashmë duket përtej mundësive tona. Ndryshoni mendim!
Hapi i parë, në kundërshtim me atë që ju mendoni, është që t’i rezistoni tundimit për t’u pushtuar nga këto emocione të rënda.
E ndjej frikën time dhe e dëgjoj– Zgjidhni një vend në shtëpi ku të uleni pa u shqetësuar. Mbyllni sytë. Merrni frymë thellë. Dëgjoni frikën tuaj. Pasiguria, ankthi i performancës, frika e dështimit mund të vijnë nga fëmijëria, ndaj tentoni t’i gjeni burimin në mënyrë që të gjeni zgjidhjen.
Çfarë mund të ndodhë?– Pasi të keni indetifikuar frikën është koha për të pyetur veten se çfarë mund të ndodhë në qoftë se ju vendosni të shkoni në drejtimin që dëshironi. Shpesh është ndjenja e pasigurisë që turbullon vizionin dhe krijon konfuzion. Ndaj kini parasysh se dhe rrugët që duken të sigurta kanë sjell shpesh surpriza të mëdha. Ndaj duhet guxuar në jetë!
Burimet e mia më bëjnë më të fortë dhe këmbëngulëse– Cilat janë burimet që ju mund të përdorni për të arritur qëllimet tuaja? Përdorini këto momente për të krijuar hapësira në të cilën të çlodheni, të gjeni dimensione të reja, etj. Njerëzit pozitivë që i njihni mund të jenë një mbështetje e rëndësishme. Duke ndjerë mbështetjen e të tjerëve ju ndihmon të ndiheni më të sigurt dhe ju jep forcë.
Kur rrëzohem, di të ngrihem dhe të buzëqesh– Me kalimin e viteve bëhemi më të kujdesshëm, sepse nga gabimet mësojmë.
Jam e guximshme dhe dua të guxoj- Tejkalimi i frikës nuk do të thotë ta mohosh atë, por të keni guximin për t’u përballur me të dhe ta mundni. Duhet të mendoni pozitivisht. Para se të shkoni për të fjetur imagjinoni një dritë që ju rrethon. Është zemra juaj që rrezaton forcë, fuqi, kurajo. Sekreti është për ta kapur këtë moto dhe të ndryshoni fjalorin tuaj. Në vend të “Duhet” filloni të thoni “Kam dëshirë”. Është koha për të vepruar!
Burimi: TgCom24
