Përballja mes Taulant Ballës dhe çiftit Malltezi-Berisha ka mbetur ende mister për atë çka ndodhi në aeroportin Leonardo Da Vinçi në Romë. Deputeti i PS-së, Taulant Balla pasi bëri denoncimin në prokurori, nënshtrua ekzaminimit mjeko-ligjor.
Shenjat që ka në fytyrë kanë prova e vetme e versionit të tij të ngjarjes.
Hetuesit janë në vështirësi. Provat nuk mjaftojnë. Është fjala e Ballës përballë fjalëve të çiftit, që ai pretendon se e dhunoi. Ekspertët thanë se gërvishtjet që ka në fytyrë deputeti, hematomat në buzë dhe në ballë nuk janë plagë, nga të cilat mund të ngrihet akuza e plagosjes së lehtë. Gjithsesi organi i akuzës regjistroi procedimin penal. Mësohet se Jamarbër Malltezi nuk iu është përgjigjur oficerëve të policisë dhe ka refuzuar të firmosë procesverbalin e marrjes në pyetje.
