Një biznesmen i njohur në Itali, pronar i një rrjeti picerish është ekzekutuar në mënyrë mafioze mbrëmjen e kaluar në rrethinat e Romës.
Mediat italiane raportojnë se ngjarja ka ndodhur gjatë natës, ndërsa vrasësi sipas dëshmitarëve ka mbërritur me motor bashkë me një bashkëpunëtor, i afruar pa hezitim 40-vjeçarit shqiptar të njohur me emrin Tony dhe ka zbrazur mbi të disa plumba pistolete.
Viktima përshkruhet si një burrë i qetë nga të njohurit dhe punëtorët dhe drejtonte picerinë “Peccati di gola”. Për momentin policia italiane nuk ka asnjë pistë hetimi pasi nuk dihej ndonjë konflikt i biznesmenit.
Gjithsesi hetuesit dyshojnë se ka qenë një vrasje mafioze e organizuar. Viktima thuhet se ishte shumë i vlerësuar në zonë.
Policia ka sekuestruar pamjet filmike të kamerave të sigurisë për të kërkuar të dhëna që mund të ndihmojnë hetuesit për të mbërritur tek vrasësit.
