Ish-kryeministri Sali Berisha ka reaguar pas dhunimit nga policia të biznesmenit Altin Bamllari dhe djalit të tij, ngjarje që u bë publike dje. Berisha shkruan se ky është një akt i rëndë kriminal që tregon fytyrën e policisë së krimit. Ai i bën thirrje prokurorisë të veprojë me rreptësinë më të madhe.
“Të droguar, trafikantë, pengmarrës, rrugaçë, ordinere, janë fytyra e vërtetë e çunave të krimit të Edvin Shullazit dhe Saje qorrit!
Goditjet shtazarake ndaj biznesmenit Altin Bamllari dhe djalit të tij janë një akt kriminal i shëmtuar i radhës që dëshmon fytyrën e vërtetë të policisë së krimit, shkallën në të cilën ka degraduar ky institucion i mbushur me trafikantë, të droguar, hajdutë, pengmarrës, nga Edvin Shullazi dhe Saje qorri.
Ky akt është dëshmi e re e banditokracisë që sundon sot në Shqipëri, pasigurisë së madhe në të cilin jetojnë qytetarët shqiptar nga bandat me uniformë, një krim tjetër shtetëror. I bëj thirrje prokurorisë së shtetit të veprojë me rreptësinë më të madhe ligjore ndaj këtij akti kriminal të banditëve me uniformë! Sb”, shkruan Berisha.
Pronari i picerive ‘Era’: Policia më dhunoi bashkë me djalin. Rama Arturo Ui, kjo është banda e tij
