Pas vendimit të Gjykatës Administrative të Tiranës që i dha ish-Guvernatorit të Bankës së Shqipërisë 12 paga mujore për shkëputjen nga detyra, Ardian Fullani duket se nuk ka mbetur i kënaqur dhe ka apeluar çështjen tek Apeli i Administratives.
Fullani kërkon rikthimin në detyrë dhe dëmshpërblim monetar dhe moral në vlerën e 50 milionë Lekëve. Dy avokatët e tij mbrojtës në materialin mbrojtës thonë se ish-Guvernatori duhet rikthehet në detyrë, duke argumentuar se shkarkimi i tij ka qenë i paligjshëm.
Në dosje është përfshirë edhe një raport, sipas të cilit Fullani kishte pësuar dëm psikologjik nga gjithë skandali i vjedhjes në BSH, duke patur gjumë me shqetësime me makth dhe ëndrra.
