Një foto e mirë është një nga arsyet për të cilën punëdhënësi ndalon në CV tonë. Dhe ja se si fotografia nuk duhet të duket …
Profilet LinkedIn me foto të profilit të mirë, kanë 14 herë më shumë shanse për t’u parë. Ja se çfarë duhet të bëni për të përmirësuar imazhin tuaj.
Diçka që shumë njerëz kanë frikë, kur bëhet fjalë për hapjen e profilit LinkedIn, është zgjedhja e fotos së profilit. Nëse zgjidhni foto të gabuar, shumë lehtë mund të shkatërroni gjithçka. Ka tashmë shumë LinkedIn fotografi të cilat janë “krejtësisht të gabuara” dhe provokojnë tallje, kështu që zgjidhni me kujdes dhe me mençuri.
Nuk luan rol sa para keni shpenzuar, por sa e pëlqyeshme / tërheqëse dukeni.
Është gabim i madh kur njerëzit mendojnë se duhet të shpenzojnë shumë të holla për fotografë profesionistë. Nuk ka prova që mbështesin pohimin se investime të tilla kontribuojnë që sa më shumë njerëz të klikojnë profilin tuaj dhe të lidhen me ju. Plus, ka shumë burime pa kosto që mund të na mësojnë se si të bëjmë fotografi të mirë dhe ta përpunojmë që të duket e përkryer.
Nuk jeni fotogjenike? Anashkalimi i imazhit nuk është një zgjidhje e mençur.
Për ata që mendojnë se nuk ekziston një gjë e tillë siç është “foto e mirë” personale, nuk është përgjigje që vendin për foto ta leni bosh. Studimet tregojnë se profilet LinkedIn pa fotografi anashkalohen, gjegjësisht këto lloj profilesh nuk shikohen. Profilet LinkedIn me foto të mirë të profilit, kanë 14 herë më shumë shanse për t’u parë.
