Gjykata italiane ka dënuar me 4 vjet burg një shqiptar për dhunimin e së bijës 4 vjeçare dhe kërcënimin me jetë për bashkëshorten e tij.
Mediat italiane raportojnë se shqiptari 29 vjeçar, emri i të cilit nuk bëhet i ditur, banues në Cingoli u dënua me katër vjet burgim nga gjykata e Macerata.
Ngjarjet për të cilat ai u vu në akuzë i takojnë marsit të vitit 2014. Ai akuzohet se ka rrahur fizikisht vajzën e tij të vogël dhe pastaj është parë teksa e ka tërhequr zvarrë për flokësh.
Nga goditjet në trup, të voglës i janë bërë hematoma e mavijosje në krahë dhe këmbë dhe ajo u dërgua me urgjencë në spital për ndihmën e nevojshme, shkruan Panorama. Krahas dhunës ndaj vajzës, shqiptari akuzohet se ka kërcënuar me vdekje edhe gruan e tij, duke i treguar thikën.
Ai ka reaguar egër kur djali që gruaja kishte nga një lidhje e mëparshme ndërhyri të mbronte nënën e tij. Pasi dëgjoi akuzën dhe shqyrtoi çështjen gjykatësi Giovanni Manzoni, vendosi dënimin e tij me 4 vjet.
