Policia e Vlorës ka arrestuar tre persona pasi kanë kultivuar 2500 rrënjë bimë kanabis sativa. Të arrestiuarit janë : 1. Adrian Latifi, 22 vjeç, banues në fshatin Levan – Fier. 2. Romario Latifi, 19 vjeç, banues në fshatin Levan – Fier. 3. Mateos Xhambazi, 25 vjeç, banues në Korçë.
Shërbimet e Policisë së Vlorës, në kuadër të kontrolleve të ushtruara kundër kultivimit të bimëve narkotike, kanë bërë të mundur kapjen, arrestimin e këtyre personave, pasi: Në fshatin Tragjas i Vjetër, pranë vendit të quajtur “Qafa e Varreve” këta shtetas janë kapur në flagrancë nga Policia si autorët e dyshuar për kultivimin e 2500 rrënjëve me bimë narkotike “Cannabis sattiva”.
Gjithashtu, gjatë kontrolleve të mëtejshme, është konstatuar një sasi tjetër e konsiderueshme me lëndë narkotike prej 168 KG (kilogram) e 770 GR (gram) të llojit “Cannabis”, e cila ishte në procesin e tharjes.
Është bllokuar dhe sekuestruar në cilësinë e provës materiale edhe një armë zjarri “Pushkë M-63” e kalibrit 7.62 mm, e cila dyshohet se u përket kultivuesve.
Policia e Vlorës, në kuadër të këtij operacioni ka proceduar në gjendje të lirë 33 shtetas të tjerë për “Moskallëzim krimi”, të cilët dyshohen se në kohë të ndryshme kanë shërbyer si punëtorë në këtë parcelë.
Materialet iu dërguan Prokurorisë në ngarkim të shtetasve të lartpërmendur për veprat penale “Kultivimi i bimëve narkotike”, “Prodhimi dhe mbajtja pa leje e armëve luftarake e municioneve” dhe “Moskallëzim krimi”.
