Një aksident ka ndodhur në aksin Korçë – Pogradec ku raportohet se ka vdekur një person. Aksidenti tragjik ka ndodhur në fshatin Leshnicë të Pogradecit.
Sipas informacioneve të policisë, drejtuesi i një mjeti tip Mercedez Benz, me targa PG 5807 B, ka përplasur për vdekje A. V. , rreth të 30-ave.
Drejtuesi i mjetit, Arben Burnazi ndodhet i shoqëruar në ambientet e komisariatit.
Grupi hetimor ka mbërritur në vendngjarje dhe po punon për zbardhjen e rrethanave të aksidentit.
