Policia e Gjirokastrës ka arrestuar një 63-vjeçar pasi përplasi me automjet një të moshuar, i cili për pasojë humbi jetën.
Burime nga policia e Gjirokastrës bënë me dije se Gëzim Kasi, në lagjen “18-shtatori” teksa drejtonte mjetin tip “Benz” me targa GJ 8571 A, ka aksidentuar shtetasin L.J,75 vjeç.
Mësohet se i plagosuri u dërgua me urgjencë në Spitalin Rajonal Gjirokastër ku ka marr ndihmën mjekësore, por pas disa orësh ka ndërruar jetë. Materialet i kaluan Prokurorisë së Rrethit Gjyqësor Gjirokastër për veprën penale “Shkelje të rregullave të qarkullimit rrugor”.
