Dalja e Britanisë nga BE-ja ka ngritur në alarm liderët europianë.
Sipas disa burimeve të mediave britaneze, kancelaria gjermane Angela Merkel do të ketë një takim sot në orën 11:30.
Ajo pritet të takohet me anëtarë të partisë dhe udhëheqësinë e parlamentit, në një takim emergjent për të diskutuar konsekuencat e votimit pro daljes nga BE-ja të Britanisë.
Ministra të ndryshëm të kabinetit do të jenë prezent në këtë takim. Një orë pas takimit pritet që Merkel të jap një deklaratë.
Presidenti franez François Hollande gjithashtu ka thirrur mbledhje urgjente të Qeverisë, pasi qytetarët e Britanisë së Madhe votuan për dalje nga Bashkimi Evropian (BE).
Nga kabineti i presidentit Hollande bënë të ditur se mbledhja është caktuar për të premten në mëngjes, dhe se tema do të jetë e ardhmja evropiane. raporton (AA).
Ai nuk i komentoi publikisht rezultatet e referendumit të djeshëm në Bitaninë e Madhe, të cilat do të kenë pasoja për tërë kontinentin.
