Ish gazetarja Anjeza Shabani e cila administronte një kopshti privat në Tiranë dhunoi brutalisht një djalë 3 vjeçar. Ajo u filmua me anë të një video e cila u transmetua në emisionin investigative “Stop”.
Kjo video ku Anjeza Shabani u filmua duke dhunuar në mënyrë mizore fëmijën 3 vjeç është gjykuar ashpër nga opinion public.
Pas tre ditësh nga bërja publike e këtij skandali, emisioni Opinion në TV Klan ka si temë të mbrëmjes pikërisht këtë dhunë barbare që është ushtruar ndaj një fëmije të mitur në kopshtin “Diren” në Sauk.
Në vazhdën e këtij debati, drejtuesi i emisionit Stop, Saimir Kodra ka shpjeguar të gjithë procedurën e veprimit si arritën të zbardhin gjithë skenën e makabritetit që ndodhte në mjediset e kopshtit privat.
Kodra bëri me dije se për të realizuar një video të tillë u desh një kohë e gjatë, pasi ishte tepër e vështirë për të infiltruar një kamër brenda mjediseve të kopshtit Diren.
Gjithashtu, ai theksoi se ditën e hënë emisioni investigativ Stop do të zbardhi të tjera dëshmi të dhunës së fëmijëve të tjerë nga drejtoresha Anjeza Shabani në mjediset e kopshtit.
“Kemi pasur një periudhë prej dy javësh të binidim babain e djalit që të realizojmë një kamër të tillë, po ashtu ne u munduam ta bindim që ai të mos bëjë një hakmarrje individuale. Unë i thashë çdo reagim tjetër është diçka që nuk është në favorin tuaj, por ju duhet t’ia lini gjithçka në dorë drejtësisë”, thotë Kodra.
