Trajneri i Gjermanisë, Joachim Low ka thënë se vazhdimisht ka ndjekur ndeshjet që ka zhvilluar Kombëtarja shqiptare, kundërshtari i mundshëm në 1/8 e finales së ‘Euro 2016’.
Gjatë ditës së djeshme Gjermania regjistroi një fitore minimale 1-0 e cila ishte në dëm të Shqipërisë.
Vetë trajneri ka zbuluar për “Badische Zeitung” se ishin të përgatitur për çdo eventualitet të mundshëm për turin tjetër të Euro 2016.
“Është ende herët të flas për kundërshtarët e mundshëm. Sinqerisht, ky sistemi i vendit të tretë është shumë i komplikuar edhe për mua. Në teori janë Sllovakia dhe Shqipëria. Kundër Sllovakisë kemi luajtur disa javë më parë në Augsburg duke u mundur 3-1. Ndaj sllovakëve e dimë mirë se çfarë na pret. Ndërsa shefi i skautëve tanë, Urs Sigentaler, ka ndjekur herë pas here Shqipërinë”, ka deklaruar ai.
