Suksesi historik i Kombëtares ka zgjuar interesin e madh të medieve ndërkombëtar të cilat i kanë kushtuar një hapësirë të veçantë kombëtares kuqezi.
‘Goal’ nuk ka kursyer elozhet ndaj kuqezinjve duke i bërë një analizë të detajuar paraqitjes së Shqipërisë ndaj Rumanisë, duke vlerësuar në maksimum lëvizjet e trajnerit Gianni De Biasi.
“Nëse kualifikimi do të bazohej te pasioni, nuk do të kishim asnjë dyshim që Shqipëria do të kualifikohej për në raundin e 1/8-ave të Euro 2016”, shkruan ‘Goal’.
Më pas ky ueb informativ sportiv shkruan se goli i Armando Sadikut ndriçoi një komb të tërë dhe tani Shqipëria është me sytë nga grupet e tjera, me shpresën se mund të vazhdojë ëndrrën.
